Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 205.174 məqalə mövcuddur.

Həftənin seçilmiş məqaləsi

Qafqaz İslam Ordusu — Osmanlı dövlətinin 1918-ci ilin mart-avqust tarixləri arasında yaratdığı Şərq Orduları Qrupuna daxil olan hərbi birliklər. Hərbi nazir Ənvər Paşanın əmri ilə yaradılmış və tamamilə müsəlmanlardan ibarət idi. Birinci Dünya müharibəsi zamanı Qafqaz cəhbəsindəki döyüşlərdə iştirak etmişdir. Nuru Paşa rəhbərlik edirdi. 12–14 min osmanlı əsgərindən ibarət olan Qafqaz İslam ordusu, Azərbaycan türklərindən və Dağıstan müsəlmanlarından ibarət könüllülərin qatılması ilə təqribən 20 min sayında olmuşdur. Bakı qırğınından sonra Azərbaycanın türk-müsəlman əhalisinə qarşı həyata keçirilən kütləvi qırğınların qarşısını almaq və Dağıstan müsəlmanlarına yardım etmək məqsədilə Osmanlı dövləti tərəfindən təşkil edilmiş hərbi struktur olan Qafqaz İslam Ordusu, Azərbaycan Xalq Cümhuriyyətinin elan edildiyi günlərdən 1918 noyabrına qədər fəaliyyət göstərmişdir.

(Davamı...)

Həftənin yaxşı məqaləsi

Firudin İbrahimi — İran azərbaycanlısı hüquqşünas və siyasətçi. O, 1918-ci il noyabrın 21-də Astara şəhərində anadan olub. 9-cu sinifə qədər Astara şəhərində təhsil aldıqdan sonra təhsilini davam etdirmək üçün Ənzəli şəhərinə köçüb. 10 və 11-ci sinifləri də Ənzəlidə oxuduqdan sonra Təbrizə köçüb və 12-ci sinfi Firdovsi məktəbində oxuyub. 1941-ci ildə məktəbi bitirdikdən sonra Tehran Universitetinin hüquq fakültəsinə daxil olub və 1945-ci ildə Tehran Universitetinin hüquq fakültəsini bitirib. Bu illər ərzində fars, fransız və ərəb dillərini mükəmməl öyrənib. Universitetdə oxuduğu dövrdə Tudə Partiyasına üzv olub.

(Davamı...)

Həftənin seçilmiş siyahısı

Türkiyənin qadın nazirlərinin siyahısı — İlk dəfə 26 mart 1971-ci ildə qurulan 33-cü Türkiyə hökuməti başçısı Nihad Erim Türkan Akyolu hökumətə Səhiyyə və Sosial Yardım naziri kimi təyin edir. Akyol nazir olduğu gündən indiyədək Türkiyə hökuməti kabinetində 43 dəfə 28 fərqli qadın yer alıb. Ən çox qadın təyin olunan nazirlik 15 təyinatla Dövlət Nazirliyi olduğu halda, 2011-ci ildə Dövlət Nazirliyinin ləğvi ilə Səlma Aliyə Kavaf sonuncu qadın dövlət naziri olub. Dövlət Nazirliyini 10 təyinatla müxtəlif adlar altında fəaliyyət göstərən Ailə və Sosial Xidmətlər Nazirliyi əvəz edib. Kabinetdəki ilk iki qadın nazir parlamentdən kənar seçildiyi halda, Aysel Çelikəl, Beril Dedeoğlu, Ayşən Gürcan, Zəhra Zümrüd Səlçuq, Ruhsar Pekcan və Dərya Yanıq istisna olmaqla qalan qadın nazirlərin hamısı parlament daxilindən seçilib.

(Davamı...)

Günün seçilmiş şəkli

Xəbərlər

Azərbaycan milli komandası 2025 minifutbol üzrə dünya çempionatının qalibi olub.
"Sabah" tarixində ilk dəfə Azərbaycan Kubokunun qalibi olub.
Avstriya təmsilçisi Yohannes Piç (şəkildə) "Wasted Love" mahnısı ilə 2025 Avroviziya Mahnı Müsabiqəsinin qalibi olub.
Terror təşkilatı kimi tanınan Kürdüstan Fəhlə Partiyası (PKK) fəaliyyətini dayandırmaq barədə qərar qəbul edib.

Aktual hadisələr: HƏMAS–İsrail müharibəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Ayşə Seyidmuradova, Stenli Fişer, Corc E. Smit, Nquqi Va Thionqo, Sebastyan Salqadu, Xose Muxika

Bilirsinizmi?

Yaponiyanın Tennoci zooparkında saxlanılmış dişi şimpanze Rita (şəkildə) əsgər kimi geyindirilmiş və propaqanda simvolu kimi istifadə olunmuşdur.
Skopyedə yerləşən saat qülləsi Osmanlı imperiyasında tikilmiş ilk saat qülləsidir.
"Yeməklərlə arası yaxşı olmayan və uşaqlıqdan yemək seçən" manqaka Ryoko Kui kulinariya manqası yazmışdır.
Körpə Hitlerin öldürülməsinin etik dilemması tramvay problemi ilə müqayisə edilir.
Yaponiyanın Noto qəsəbəsində yerləşən Kalmar kralı heykəli COVID-19 pandemiyası ilə mübarizəyə ayrılmış büdcə hesabına tikildiyi üçün etirazlara səbəb olmuşdur.